कास्की । कास्कीमा जिप दुर्घटना हुँदा दुई जनाको मृत्यु भएको छ ।

जिल्लाको अन्नपूर्ण गाउँपालिका ४ भदौरेस्थित थामडाँडामा आइतबार ३ बजेर ५० मिनेटमा पोखराबाट सल्यानतर्फ जाँदै गरेको ग१ज ५५४७ नम्बरको यात्रुवाहक जिप दुर्घटना भएको हो ।

सो दुर्घटनामा दुई जनाको मृत्यु भएको छ भने १० जना घाइते भएको प्रहरीले जनाएको छ । मृतकको पहिचान खुलेको छैन । जिपमा १२ जना सवार थिए ।

घटनास्थलमा कालिका गण पोखराबाट सशस्त्र प्रहरीको टोली पुगेको छ ।

घटनास्थलबाट स्थानीय र नेपाल प्रहरीको सहयोगमा घाइते १० जनालाई उद्धार गरी पोखरास्थित अस्पताल पठाइएको छ । जिप सडकबाट अन्दाजी २ सय ५० मिटर तल खसेको थियो ।