काठमाडौं । त्रिकोणात्मक टी-२० सिरिजअन्तर्गत पहिलो खेलमा भारतको स्टेट टीम गुजरातसँग टस जितेर नेपालले पहिला फिल्डिङ गर्ने निर्णय लिएको छ ।

नेपालका कप्तान रोहित पौडेलले टस जितेर पहिला फिल्डिङ रोजेका हुन् ।

उक्त खेल साई मेघपन स्पोर्ट्स लाइफ मैदानमा दिउँसो पौने ३ बजेबाट सुरु हुनेछ।

नेपालसहित भारतका दुई स्टेट टीम गुजरात र बरोडाले त्रिकोणात्मक टी-२० सिरिज खेल्नेछन्।

सिरिज डबल राउन्ड रोबिनमा हुनेछ। शनिबार नेपाली टोली भारत पुगेको थियो।

एसीसी प्रिमियर कपको तयारीका लागि नेपालले उक्त सिरिज खेल्न लागेको हो।

नेपालको प्लेइङ ११ : रोहित पौडेल (कप्तान), आसिफ शेख, कुशल भुर्तेल, कुशल मल्ल, सन्दीप जोरा, अनिल शाह, गुलशन झा, दीपेन्द्रसिंह ऐरी, करण केसी, सोमपाल कामी, अभिनाश बोहरा