काठमाडौं । नेपालमा कोरोना संक्रमणबाट मृत्यु हुनेको संख्या १३३ पुगेको छ । ललितपुरको पाटन अस्पतालमा उपचाररत दुई जना कोरोना संक्रमितको मृत्यु भएसँगै मृतकको संख्या १३३ पुगेको हो ।

जिल्ला कोभिड–१९ व्यवस्थापन केन्द्र ललितपुरका अनुसार आज (शुक्रबार) विहान पाटन अस्पतालमा दोलखा निवासी ३० वर्षीया महिला र सर्लाहीको मलंगवा निवासी ४६ वर्षीय पुरुषको मृत्यु भएको हो ।

दोलखाकी महिलाको यही भदौ २ गतेदेखि र सर्लाहीका पुरुषको गत साउन ३१ गतेदेखि पाटन अस्पतालमा उपचार हुँदै आएको थियो ।

आजै बिहान बुटवलको कोरोना विशेष अस्पतालमा प्युठानका ६४ वर्षिया एक संक्रमित पुरुषको मृत्यु भएको थियो ।