काठमाडौं । नेपालमा कोरोना संक्रमणबाट मृत्यु हुनेको संख्या १२६ पुगेको छ । पछिल्लो २४ घण्टामा थप ६ जनाको मृत्यु भएसँगै नेपालमा मृतकको संख्या १२६ पुगेको स्वास्थ्य तथा जनसंख्या मन्त्रालयले जनाएकाे छ ।

बिहीबारकाे नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले काठमाडौं, मकवानपुर र सप्तरीका १–१ तथा पर्साका ३ जना गरी ६ जनाको मृत्यु भएको जानकारी दिए ।

यस्तै नेपालमा पछिल्लाे २४ घण्टामा देशभर ७०७ जनामा संक्रमण पुष्टि भएको छ । याेसँगै संक्रमितको संख्या २९ हजार ६४५ रहेको मन्त्रालयले जनाएकाे छ ।