काठमाडौं । ‘कमेडी च्याम्पियन’को टीम चढेको कार दुर्घटना भक्तपुरमा दुर्घटना भएको छ ।

शुक्रबार बिहान अन्दाजी साढे ३ बजे सूर्यविनायक नगरपालिका वडा नम्बर १० मा कार दुर्घटनामा परेको हो ।

बागमती प्रदेश ०१-०२६ च ०३५९ नम्बरको कार अनियन्त्रित भई प्रदेश ३-०१-००३ क ६२९८ नम्बरको टिपरसँग ठोकिएको थियो ।

दुर्घटनामा कमेडी च्याम्पियनका निर्देशक विशाल भण्डारीसहित ६ जना घाइते भएको र तीमध्ये एकको अवस्था गम्भीर रहेको जिल्ला प्रहरी परिसर भक्तपुरले जनाएको छ ।

उनीहरुको मध्यपुर ठिमी अस्पतालमा उपचार जारी रहेको बताइएको छ । दुर्घटना कसरी भएको हो भन्नेबारे प्रहरीले अनुसन्धान गरिरहेको छ।