काठमाडौं । अर्थमन्त्री वर्षमान पुन र नेपालका लागि रुसी राजदूत एलेक्सेई नोभिकोभबीच भेटवार्ता भएको छ ।

सिंहदरबारस्थित अर्थ मन्त्रालयमा अर्थमन्त्री पुन र रुसी राजदूत नोभिकोभबीच भेटवार्ता भएको हो ।

नोभिकोभबीचको भेटवार्तामा रुसी सेनामा नेपालीको सहभागिता, नेपालमा रुसले लगानी गर्न चाहेका विषयमा छलफल भएको थियो ।

अर्थमन्त्री पुनको सचिवालयले भेटवार्तामा आगामी वैशाखमा हुन लागेको लगानी सम्मेलनका विषयमा पनि छलफल गरेका थिए ।

अर्थमन्त्री पुनले ठूला जलविद्युत् आयोजना र रासायनिक मल कारखानामा लगानी गर्न रुसलाई आग्रह गरेका थिए ।

जवाफमा राजदूत नोभिकोभले मन्त्री पुनको प्रस्ताव सकारात्मक रहेको भन्दै रुसी लगानीकर्तासँग कुरा गर्ने बताएका थिए ।

भूराजनीतिक कारणले पनि नेपालमा रुसको लगानीका लागि अत्यन्तै सकारात्मक वातावरण रहेको राजदूतको भनाइ थियो ।