एजेन्सी । केलिएन एमबाप्पेको ह्याट्रिकको मद्दतले लिग वानमा पेरिस सेन्ट जर्मेनले मोन्टपेलियरमाथि सानदार जित निकालेको छ ।

पेरिस सेन्ट जर्मेनले मोन्टपेलियरलाई ६–२ गोल अन्तरले पराजित गरेको हो । यो जितसँगै पीएसजी लिग वानको शीर्ष स्थानमा १२ अङ्कले अघि बढेको छ ।

खेलमा भिटिन्हाले पीएसजीलाई अग्रता दिलाएका थिए । २२ औँ मिनेटमा एम्बाप्पेले टोलीको अग्रता दोब्बर बनाए । तर अरनाउड नोर्डिन र टेजी साभानियरले गोल गरेपछि मोन्टपेलियर खेलमा फर्कियो ।

दोस्रो हाफको सुरुवातमा गोल गर्दै एम्बाप्पेले पुनः टोलीलाई अग्रता दिलाए । लगत्तै लि कङ–इनले अर्को गोल थपे । ६३ औँ मिनेटमा एम्बाप्पेले ह्याट्रिक पूरा गरे । खेलको अन्त्यमा नुनो मेन्डेसले पीएसजीको गोल सङ्ख्या आधा दर्जन पुर्‍याए ।