एजेन्सी । वुमन्स प्रिमियर लिगको उपाधि रोयल च्यालेन्जर्स बैंग्लोरले जितेको छ ।

टोलीले दिल्ली क्यापिटल्सलाई ८ विकेटले पराजित गर्दै बैंग्लोरले पहिलो पटक उपाधि जितेको हो ।

लिगमा दिल्लीमाथि बेंगलुरुको यो पहिलो जित पनि थियो । यसअघि दुई टोलीबिच भएका ४ खेल दिल्लीले जितेको थियो ।

नयाँ दिल्लीको अरुण जेटली स्टेडियममा आइतबार टस जितेर ब्याटिङमा आएको दिल्ली क्यापिटल्स १८.३ ओभरमा ११३ रनमा अलआउट भयो। जवाफमा बैंगलोरले १९.३ ओभरमा २ विकेटको क्षतिमा लक्ष्य पछ्यायो ।