एजेन्सी । साउदी प्रो लिगमा अल नासरले अल अहलीलाई पराजित गरेको छ ।

गएराति जेदाहमा भएको खेलमा अल नासरका क्रिष्टियानो रोनाल्डोको पेनाल्टी गोलमा अल नासर १–० गोलले विजयी भएको हो ।

घरेलु टोली अल अहलीका रोजर इवानेजले पेनाल्टी बक्समा सामी अल नाजेइलाई फउल गरेपछि रेफ्रीले अल नासरलाई पेनाल्टी दिएका थिए ।

दोस्रो स्थानमा रहेको अल नासरको २४ खेलबाट ५६ अङ्क छ । शीर्षस्थानमा रहेको अल हिलालको २३ खेलमा ६५ अङ्क रहेको छ ।

प्रो लिगकै अर्को खेलमा अल ताई र अल इत्तिफाक तथा अल फाया र अल रियादले समान १–१ गोलको बराबरी खेल्दै अङ्क बाँडेका छन् ।