रौतहट । जिल्ला प्रहरी कार्यालय राैतहटले श्रोत नखुलेको ६ लाख ४० हजार रूपैयाँसहित २ महिलालाई पक्राउ गरेकाे छ । गौर नगरपालिका -३ महादेवपट्टीस्थित दशगजा क्षेत्रमा घाँस काट्न भनि आएका २ भारतीय महिला स्रोत नखुलेको रहमसहित पक्राउ परेका हुन् ।

पक्राउ पर्नेमा भारतको विहार सितामढी बैरगनिया ग्राम पंचायत वडा नं. १ सिन्दुरीया वस्ने वर्ष ४५ की शान्तिदेवी र सोही ठाउँ वस्ने वर्ष ४५ की मिनादेवी रहेका रौतहट प्रहरी प्रमुख एसपी रविराज खड्काले जानकारी दिए । थप अनुसन्धान भइरहेको प्रहरीले जनाएको छ।