काठमाडौं । रेखा थापा स्टारर फिल्म ‘उपहार : द जर्नी अफ लाइफ’को नयाँ गीत ‘खाडीमा भेटौंला’ रिलिज भएको छ ।

गीतमा मोहन नेपालीको स्वर, अर्जुन पोखरेलको संगीत र प्रमोद ढुंगानाको शब्द छ । भिडियोमा रेखासहित मुकुन भुषाल र राइडर प्रशान्त फिचर्ड छन् ।

ज्ञानेन्द्र देउजा निर्देशित यो फिल्म यतिबेला देशभरका हलमा प्रदर्शन भैरहेको छ । रेखा फिल्मस र कपनगढी सिनेमा प्रालिको ब्यानरमा बनेको यो मल्टिस्टारर फिल्मले सडक ब्यापारीको कथा पेश गर्छ ।

फिल्ममा रेखाले चिया पसल व्यवसायीको भूमिका निर्वाह गरेकी छन् ।

सडकमा ब्यापार गर्न निषेध गर्ने महानगरको कथावस्तु यसमा पेश गरिएको छ । फिल्ममा रेखासहित पूजा शर्मा, बेनिशा हमालको शीर्ष भूमिका छ ।