सुर्खेत । सुर्खेतको वीरेन्द्रनगर नगरपालिका-९ को लाटिकोइलीमा एक जना पुरूष मृत भेटिएका छन् ।
मृत भेटिनेमा बारा जिल्ला घर भई हाल लाटिकोइलीमा बस्दै आएका ३२ वर्षका अनिल पट्टेल रहेका छन् ।
मृतकको घाँटीमा काटिएको चोट छ । घटनास्थलमा चुलेसीसमेत फेला परेको जिल्ला प्रहरी कार्यालय सुर्खेतले जनाएको छ ।
मंगलबार ११ बजेतिर उनको कोठामै शव भेटिएको प्रहरीले जनाएको छ ।
मृतक लामो समयदेखि वीरेन्द्रनगरमा कोठा भाडामा बस्दै आएका थिए ।
उनको हत्या गरिएको आशङ्का प्रहरीले गरेको छ । घटनाबारे अनुसन्धान भइरहेको प्रहरीले जनाएको छ ।
Leave a Reply