काठमाडौं । नेपाली कांग्रेसका सभापति शेरबहादुर देउवाले संसदीय दलको कार्यसम्पादन समितिको बैठक बोलाएका छन् ।

सभापति देउवाले आफ्नो निवास बुढानीलकण्ठमा आज अपराह्न ४ बजे दलको कार्यसम्पादन समितिको बैठक बोलाएका हुन् ।

बैठकमा राष्ट्रियसभा अध्यक्षको उम्मेदवारीका सन्दर्भमा छलफल हुनेछ।संसदीय दल कार्यसमितिले पूर्णता भने पाएको छैन ।

संसदीय दलको कार्यसमितिमा हाल सभापति शेरबहादुर देउवा, दुई महामन्त्री गगन थापा र विश्वप्रकाश शर्मा, प्रमुख सचेतक रमेश लेखक छन्।

सभापति देउवाले संसदीय दलको कार्यसमिति बैठकमा उपसभापति पूर्णबहादुर खड्कालाई पनि सहभागी गराउँदै आएका छन् ।

आइतबार हुने बैठकमा राष्ट्रिय सभामा दलका नेता कृष्णप्रसाद सिटौला पनि सहभागी हुनेछन् ।