काठमाडौं । श्रम रोजगार तथा सामाजिक सुरक्षामन्त्रीको हैसियतमा यूएई भ्रमणमा गएका बेला शरतसिंह भण्डारी पदमुक्त भएका छन् ।

भण्डारी श्रममन्त्रीको हैसियतमा आइतबारदेखि संयुक्त अरब इमिरेट्स (यूएई) भ्रमणमा छन् ।

तर, उनी भ्रमणबाट नफर्कंदै निवर्तमान मन्त्री बनेका हुन् ।

सोमबार प्रधानमन्त्री पुष्पकमल दाहाल प्रचण्डले तीन सदस्यीय मन्त्रिमण्डल बनाएका छन् ।

राष्ट्रपति रामचन्द्र पौडेलले विना विभागीय मन्त्रीहरू हितबहादुर तामाङ, पदम गिरी र डोलप्रसाद अर्याललाई शपथ खुवाएका हुन् ।