झापा। झापाको मेचीनगरमा सशस्त्र प्रहरी र स्थानीयबिच झडप भएको छ ।

मेचीनगर नगरपालिका–६ स्थित शत्तिघट्टामा सशस्त्र प्रहरी र स्थानीयबिच झडप भएको हो ।

नेपाल भारत सिमानामा बिओपी शक्तिघट्टाबाट खटिएको टोलीले भन्सार छलिको सामान नियन्त्रणमा लिएपछि सशस्त्रमाथि आक्रमण भएको नम्बर–१ बाहिनीले जनाएको छ ।

झडप हुँदा सशस्त्रतर्फ ३ जना घाइते भएका छन् । स्थानीयतर्फ कति घाइते भए भन्नेबारे यकिन भैसकेको छैन ।

भन्सार छलिको सामान पक्राउ गरेर गाडीमा ल्याउँदै गर्दा सशस्त्रको टोलीमाथि सामान ल्याउनेहरुले आक्रमण गरेको बताइएको छ ।