काठमाडौं । चितवनमा ट्रकको ठक्करबाट पैदलयात्रीको मृत्यु भएको छ ।

रत्ननगर नगरपालिका–९, कृष्ण मन्दिरनजिक प्रदेश २–०३–००१ख ६९९६ नम्बरको ट्रकले ठक्कर दिएको हो ।

पूर्व–पश्चिम सडकखण्डमा पूर्वबाट पश्चिमतर्फ जाँदै गरेको उक्त ट्रकले गए राति करिब १ बजे हाल नामथर, वतन नखुलेका ५५र६० वर्षीय पुरुषलाई ठक्कर दिएको प्रहरीले जनाएको छ ।

ठक्करबाट ती व्यक्ति गम्भीर घाइते भएका थिए । उपचारका निम्ति उनलाई भरतपुर सरकारी अस्पतालमा पठाइएको थियो ।

राति नै १ः५० बजे उनको मृत्यु भएको अस्पतालले घोषणा गरेको हो । उक्त ट्रक र चालकलाई प्रहरीले नियन्त्रणमा लिएर अनुसन्धान थालेको छ ।