काठमाडाैं । कपिलवस्तुकाे शुद्धोधन गाउँपालिकाको लवनी चौराहामा युवाहरूकाे समूहले प्रहरीमाथि कुटपिट गरेका छन् । मास्क लगाएर हिँडन आग्रह गर्दा लबनी अस्थायी प्रहरी चौकीमा कार्यरत हवल्दार विनोद वरुण, जवानद्वय जियावन कोहार र महेन्द्र यादवमाथि कुटपिट भएको प्रहरी प्रवक्ता डिएसपी सुनिल मल्लले बताए ।

उनीहरुको उपचार रुपन्देहीको मणीग्रामस्थित क्रिमसन अस्पतालमा भइरहेको छ । बाटोमा हिँडेका दुई युवालाई मास्क लगाउन भन्दै प्रहरीले सम्झाइ–बुझाइ गरेर पठाएको थियो । पछि उनीहरुले गाउँबाट युवाहरुको समूह बोलाएर प्रहरीमाथि नै कुटपिट गरेको उनले बताए ।