काठमाडौं । त्रिकोणात्मक टी-२० सिरिजमा नेपालका कप्तान रोहित पौडेलले नामिबियाको तेस्रो विकेट लिएका छन्।

उनले नामिबियाका जन फ्रिलिंक्सलाई विकेटकिपर आसिफ शेखबाट आउट गराएका हुन्। खेलमा उनको यो दोस्रो विकेट हो।

यसअघि रोहितले जेपी कोट्जको विकेट लिएका थिए। उनको बलमा विवेककुमार यादवले उत्कृष्ट क्याच गरेका हुन्।

नेपालका करन केसीले नामिबियाको पहिलो विकेट लिएका थिए। उनले पावर प्लेको अन्तिम बलमा विकेट लिएका हुन्।

करनले नामिबियाका मिचेल भान लिंगेनलाई आउट गरेका हुन्। करनको बलमा गुलसन झाले क्याच लिएका थिए।

मिचेल १९ बल खेल्दै २० रन बनाएर आउट भए। नामिबिया १३ ओभरमा १०५ रन बनाएर खेलिरहेको छ।