काठमाडौं । बागमती प्रदेश अन्तर्गतका यातायात कार्यालयको सेवा भदौ २ गतेदेखि भदौ १६ गतेसम्म बन्द हुने भएको छ। काेराेना भाइरसकाे बढ्दो प्रकोपका कारण यातायात कार्यालयबाट दिँदै आएको सेवा बन्द गर्नु परेको यातायात व्यवस्था कार्यालयले जनाएकाे छ ।

सवारी चालक अनुमति पत्र, लाइसेन्स, रुट परमिट लगायतको सेवा बन्द रहे पनि अत्यावश्यक सेवा (लाइसेन्स भेरिफिकेसन) भने सुचारु नै रहने बताइएकाे छ । लकडाउन खुकुलो भएसँगै यातायात कार्यालयले असार १ गतेदेखि सेवा सुरु गरेका थिए।