वीरगञ्ज । नारायणी अस्पताल वीरगञ्जमा शिशु छाडेर आमा बेपत्ता भएकी छन् ।

छोरी जन्मिएको भन्दै परिवारले झगडा गरेपछि एक महिलाले नवजात शिशु छाडेर हिँडेकी हुन् ।

१२ फागुनमा एक जना महिलाले शिशुलाई जन्मदिएकी थिइन् ।

तर, साँझ ती महिला र उनको सासु बच्चालाई छाडेर सम्पर्कविहीन भएको भन्दै जिल्ला प्रहरी कार्यालय, पर्सामा जानकारी आएको प्रहरीले जनाएको छ ।

प्रहरीका अनुसार, ती महिलाले अस्पतालमा भर्ना हुँदा आफ्नो नाम ‘सीता देवी’ र ठेगाना ‘रानीघाट–६, वीरगञ्ज’ टिपाएकी थिइन् ।

प्रहरीले भने नाम र ठेगाना समेत गलत टिपाएको जस्तो देखिएको जनाएको छ । उनीहरुले मोबाइल नम्बर पनि टिपाएका थिएनन् ।