काठमाडौं । अखिल नेपाल फुटबल संघ (एन्फा) का उपाध्यक्ष दावा लामा लागुऔषध कारोबारको मुद्दामा दोषी भएर पुनरावेदनमा समेत नगएको पाइएको छ ।

जिल्ला अदालत काठमाडौंले उच्च अदालतले गरेको फैसलाविरुद्ध लामाले पुनरावेदन गरे नगरेको जानकारी माग्दै सर्वोच्च अदालतलाई पत्र पठाएको थियो । माघ १२ गते पत्रमार्फत जवाफ दिएको सर्वोच्चले लामा पुनरावेदनमा नगएको पाइएको हो ।

लागुऔषध कारोबारमा सजाय पाएर पनि एन्फाको राजनीतिमा सक्रिय लामाले पुनरावेदन नगरको पुष्टिसँगै उनलाई जेल सजाय हुने निश्चित भएको छ ।

पत्रमा उच्च अदालत पाटनको फैसला अन्तिम भई बसेको र लामाले सर्वोच्चमा पुनरावेदनको निवेदन नदिएको उल्लेख छ ।
पुनरावेदन नगरेको पुष्टिसँगै अब लामालाई जेल सजाय हुने निश्चित भएको छ ।