काठमाडौं । प्रधानमन्त्री पुष्पकमल दाहाल ‘प्रचण्ड’ले शान्ति स्थापनाको महत्त्वलाई अतिरञ्जित गर्न नहुने बताएका छन् ।
‘चौथो शान्ति प्रयास’अभ्यासको उद्घाटन गर्दै प्रधानमन्त्री प्रचण्डले यस्तो बताएका हुन् ।
उनले शान्ति स्थापनाका लागि मानवताको गहिरो भावना, प्रतिबद्धता र कमजोरलाई जोगाउने हस्तक्षेप गर्ने तत्परता आवश्यक पर्ने बताए ।
वर्तमान विश्व देखिएका जातीय तनाव र आतङ्कवादका विभिन्न कारकहरूबाट सञ्चालित जटिल द्वन्द्वका कारण शान्ति स्थापनार्थ सैनिकहरूले खतराको सामना गर्नुपरेको उनको भनाई छ ।
बहुस्तरीय प्रकृतिका द्वन्द्वका विषमा हामीहरू सचेत हुनुपर्नेमा उनको जोड छ । उनले नेपालको प्रतिबद्धता विश्वमा शान्ति र सद्भावका चाहनामा निहित भएकोसमेत टिप्पणी गरे ।
Leave a Reply