दाङ । दाङमा भएकाे मोटरसाइकल दुर्घटनामा २ जनाको मृत्यु भएको छ । गएराति लमहीदेखि गढवाका लागि छुटेकाे लु ५७ प ११०० नम्बरको मोटरसाइकल दुर्घटना हुँदा गढवा गाउँपालिका-७ का २६ वर्षीय सुरजनारायण चौधरी र २७ वर्षीय मनोज चौधरीको मृत्यु भएको प्रहरीले जनाएकाे छ ।

उनीहरु सवार मोटरसाइकल बलामपुर नजिक सानो राप्ती नदीको पुलमा ठोक्किएर नदीमा खसेको थियाे । उनीहरुको शवलाई पोष्टमार्टमको लागि लमही अस्पतालमा राखिएको छ । घटनाबारे थप अनुसन्धान भइरहेको प्रहरीले जनाएको छ ।