एजेन्सी । भारतीय क्रिकेटस्टार महेन्द्र सिंह धोनीले अन्तर्राष्ट्रिय क्रिकेटबाट सन्यास लिएका छन् । उनले आज सन्यासको घोषणा गरेका हुन् ।

भारतलाई विश्वकप जिताउँदा कप्तान समेत रहिसकेका ध्वनीले ३९ वर्षको उमेरमा सन्यासको घोषणा गरेका हुन् । उनले इन्स्टाग्राम एकाउन्टमा सन्यासबारे जानकारी दिएका हुन् । धोनीको कप्तानीमा भारतले सन् २००७ को ट्वेन्टी ट्वेन्टी विश्वकप, २०१० र २०१६ को एशिया कप, २०११ को विश्वकप र २०१३ को आइसीसी च्याम्पियन्स ट्रफी जितेको थियो । उनको नाममा विभिन्न किर्तिमान समेत छ ।

ध्वनीले युएईमा आयोजना हुन गइरहेको आइपिएल क्रिकेटमा भने सहभागिता जनाउनेछन् ।  धोनी पछि सुरेश रैनाले पनि अन्तर्राष्ट्रिय क्रिकेटबाट संन्यास लिने घोषणा  गरेका छन्।

भारतीय क्रिकेट टीमका ब्याट्सम्यान सुरेश रैनाले सोशल मिडिया मार्फत सेवानिवृत्त हुने घोषणा गरेका हुन ।