काठमाडौं । उपप्रधान तथा गृहमन्त्री नारायणकाजी श्रेष्ठले त्रिभुवन अन्तर्राष्ट्रिय विमानस्थलमा प्रहरी र अध्यागमनका कर्मचारीबीच भएको घटना दुःखद भएको टिप्पणी गरेका छन् ।

आइतबार राज्यव्यवस्था तथा सुशासन समितिको बैठकमा बोल्दै उनले झगडा एकदमै लज्जास्पद भएको बताएका हुन् ।

बैठकमा उनले घटनापछि तत्काल छानबिन समिति गठन गरिएको जानकारी गराए । उनले भने ‘घटना दुःखद हो, प्रतिवेदनअनुसार कारबाही अघि बढाउँछौँ ।’

उनले सो घटनामा कुटपिटमा संलग्नलाई पक्राउ गरिएको, असइलाई निलम्बन गरिएको र दुई प्रहरीलाई निलम्बन गरिएकोजानकारी दिए ।