काठमाडौं । एक दिवसीय सिरिजको अन्तर्गत जारी दोस्रो खेलमा नेपालले क्यानडाविरुद्ध राम्रो सुरुवात गरेको छ । क्यानडाले दिएको २८६ रनको लक्ष्य पछ्याएको नेपालले पहिलो १० ओभरमा दुई विकेटको क्षतिमा ७१ रन बनाएको छ ।

नेपाललाई आक्रामक सुरुआत दिलाएका ओपनर अनिल शाहले १९ बलमा अर्धशतक बनाए । नेपालले १० ओभरको खेल जारी रहँदा ७१ रन जोडेको छ ।

शाहले ३ छक्का र तीन चौका प्रहार गरे । एकदिवसीयमा नेपालका लागि दोस्रो छिटो अर्धशतक हो । कुशल मल्लले १८ बलमा हानेका थिए ।

योसँगै नेपाललाई दोस्रो झट्का लागेको छ । पहिलो विकेटका रुपमा ओपनर आसिफ शेख १५ बलमा १० रन बनाउँदै आउट भएका थिए । क्रिजमा कप्तान रोहित पौडेल र देव खनाल छन् ।