काठमाडौं । क्यानडासँगको एक दिवसीय सिरिजको दोस्रो खेलमा नेपालले पहिले फिल्डिङ गर्ने भएको छ ।

कीर्तिपुरस्थित त्रिवि क्रिकेट मैदानमा क्यानडाले टस जितेर पहिले ब्याटिङ रोजेको हो ।

खेल बिहान सवा ९ बजे त्रिवि क्रिकेट मैदानमा सुरु हुनेछ ।

आजको खेलमा पनि नेपालले लगातार दोस्रो जीत निकाल्ने लक्ष्य राखेको छ ।

नेपालले डब्लुसीएल लिग टूको तयारी स्वरुप आयोजना गरेको सिरिज खेल्न क्यानडाको टीम नेपाल आएको हो ।

पहिलो खेलमा कप्तान रोहित पौडेल चम्किँदा नेपालले क्यानडाविरुद्ध ७ रनको रोमाञ्चक जित हात पारेको थियो । तेस्रो खेल सोमबार हुनेछ ।