काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले देशको राजनीतिक परिस्थिति जटिल बन्दै गएको बताएका छन् । पार्टीको स्थायी कमिटी बैठकमा प्रधानमन्त्रीसमेत रहेका प्रचण्डले सो ब्रिफिङ गरेका हुन् ।

उनले जटिल अवस्था सिर्जना भएको बताए । मुख्यतः संक्रमणकालीन न्यायलाई टुंगोमा पुर्‍याउने विषयले अवस्था जटिल बनाएको अध्यक्ष प्रचण्डको आशय थियो ।

प्रधानमन्त्री प्रचण्ड संक्रमणकालीन न्यायलाई सहमतिमै टुंगो लगाउने अडानमा छन् । यस विषयमा उनले निरन्तर सत्ता गठबन्धन र प्रमुख प्रतिपक्षी दलसँग सम्बाद गर्दै आएका छन् ।

तर प्रमुख प्रतिपक्ष दल नेकपा एमालेका अध्यक्ष केपी ओलीले पीडितमैत्री कानुन बनाएरमात्रै सहमति गर्ने अडानमा छन् ।

सो विषयमा गठबन्धन दल भने सकारात्मक छन् । संसद्को यही अधिवेशनबाट टीआरसी विधेयक पारित गर्नुपर्नेमा प्रधानमन्त्री प्रचण्डको जोड छ ।