काठमाडौं । सहकारी ठगीमा फरार रहेका एक अभियुक्तलाई प्रहरीले कतारबाट पक्राउ गरेर नेपाल ल्याएको छ ।

काठमाडौंको तिनकुनेस्थित नमस्ते बचत तथा ऋण सहकारी संस्थाका प्रबन्धक गणेश सिजापतिलाई प्रहरीले कतारबाट पक्राउ गरी नेपाल ल्याएको हो ।

बाँकेको नेपालगञ्ज उपमहानगरपालिका-४ गणेशपुर घर भएका सिजापतीलाई एनसीबी दोहाको समन्वयमा कतारमा पक्राउ गरी शुक्रबार काठमाडौं ल्याइएको प्रहरीले जनाएको छ ।

उनीविरुद्ध ठगी मुद्दामा इन्टरपोलमार्फत रेड नोटिस जारी भएको थियो ।