कैलाली । राष्ट्रिय आविष्कार केन्द्रका अध्यक्ष महावीर पुन आफ्नो आत्माकथा आधारित पुस्तक बेच्न धनगढी पुगेका छन् । बिहीबार साँझ धनगढी पुगेका उनी आजै बिहानैबाट विभिन्न स्थानमा पुस्तक बेचिरहेका हुन् ।

आत्माकथा आधारित पुस्तक बिक्रीबाट आउने रकम बिरगंजमा रहेको कृषि कारखानालाई सहयोग गर्ने घोषणा गरेका पुन कैलालीमा तीन दिनसम्म बस्नेछन् ।

उनले आज बिहान धनगढी उपमहानगरपालिकाको कार्यालय, शिवपुरी धाम, कैलाली बहुमुखी क्याम्पस लगायतका ठाउँहरूमा किताब बेचेका छन् । सुदूरपश्चिमका विभिन्न जिल्लाबाट उनी पुस्तक बेचेर उनी धनगढी आइपुगेका हुन् ।

वीरगञ्जको कृषि औजार कारखाना सञ्चालनका लागि सरकारले सम्झौता बमोजिम रकम नदिएपछि उनले पुस्तक बेचेर भएपनि कारखाना सञ्चालन गर्ने बताउँदै आएका छन् ।