काठमाडौं । अख्तियार दुरुपयोग अनुसन्धान आयोगले पाँच लाख घुस लिइसकेको अवस्थामा बाराका एक वडाअध्यक्षलाई नियन्त्रणमा लिएको छ ।

अख्तियारको हेटौंडाबाट खटिएको टोलीले सेवाग्राहीबाट पाँच लाख रुपैयाँ घुस लिइसकेको अवस्थामा जितपुरसिमरा उपमहानगरपालिकाका-३ का वडा अध्यक्ष ताराबहादुर कार्कीलाई नियन्त्रणमा लिएको हो ।

वडाअध्यक्ष कार्कीले घरबाटो सिफारिस गरि भन्दै सेवाग्राहीसँग घुस लिएका थिए ।

अनुसन्धानको सिलसिलामा वडाध्यक्ष कार्कीले घरबाटो सिफारिस गर्ने भन्दै सेवाग्राहीसँग घुस माग गरी लिएको पुष्टी भएपछि पाँच लाख रुपैयाँ विगो कायम गर्दै आयोगले बिशेष अदालत काठमाडौंमा आरोपपत्र दायर गरेको आयोगले जनाएको छ ।