काठमाडौं । काठमाडौं उपत्यका अपराध अनुसन्धान कार्यालयले क्रोएसिया पठाइदिने भन्दै रकम ठगी गर्ने एक जनालाई पक्राउ गरेको छ ।

पक्राउ पर्नेमा भक्तपुरको मध्यपुर ठिमी बस्ने ३१ वर्षीय सन्जन प्रजापती रहेका छन् । प्रजापतीविरुद्ध रकम ठगी गरेको उजुरी परेको थियो।

सोही उजुरीका आधारमा उपत्यका अपराध अनुसन्धान कार्यालयको टोलीले प्रजापतीलाई कौशलटारबाट पक्राउ गरेको हो ।

वैदेशिक रोजगारीका लागि क्रोएसिया पठाइदिने,त्यसका लागि १२ लाख रुपैयाँ लाग्ने भन्दै पीडितबाट १४ लाख ३५ हजार रुपैयाँ लिएर उनी फरार भएका थिए।

थप अनुसन्धान तथा कारवाहीका लागि उनलाई वैदेशिक रोजगार विभाग ताहाचाल पठाइएको प्रहरीले जनाएको छ।