काठमाडौं । इंंग्लिस प्रिमियर लिग फुटबलमा म्यानचेस्टर सिटीले ब्रेन्टफोर्डलाई पराजित गरेको छ ।

गएराति भएको खेलमा सिटी ३–१ गोलले विजयी भएको हो ।

सिटीका फिल फोडेनले ह्याट्रिक गरे । उनले पहिलो हाफको अन्तिमतिर र दोस्रो हाफको ५३ र ७०औँ मिनेटमा गोल गरे ।

तर खेलमा ब्रेन्टफोर्डले २१औँ मिनेटमा बनाएको अग्रतालाई जोगाउन सकेन ।

जितसँगै सिटी २२ खेलमा ४९ अङ्ककासाथ तालिकाको दोस्रो स्थानमा उक्लिएको छ ।