काठमाडौं । गम्भीर मानव अधिकार उल्लंघन गरेको भन्दै नेपाली सेनाका चारजना कर्मचारीलाई कारबाही गर्न मानव अधिकार आयोगले सिफारिस गरेको छ ।

आयोगले यो आर्थिक वर्षमा सम्पादन भएका कामहरु सार्वजनिक गर्दै यस्तो सिफारिस गरेको हो ।

कारबाहीको सिफारिसमा पर्नेहरुमा सेनानी कृष्णमुरारी न्यौपाने, सेनानी सुरत रावल, सहसेनानी चक्रबहादुर कार्की र क्याप्टेन दीनेश थापा रहेका छन् ।

यस्तै मानव अधिकार उल्लंघन गरेको आरोपमा कारबाही सिफारिस पर्नेहरुमा सबैभन्दा बढी नेपाल प्रहरीका कर्मचारीहरु छन् । आयोगका अनुसार एसएसपीदेखि ३२ जनालाई कारबाही गर्न सिफारिस गरिएको छ ।