काठमाडौं । नेपाल ट्रेड युनियन कांग्रेसले वरिष्ठ पत्रकार बलराम बानियाँको मृत्युबारे छानबिन गर्न माग गरेको छ । बाँनियाँको मृत्यु असामयिक रुपमा भएको भन्दै यसबारे उब्जिएका आशंकाको छानविन गर्न ट्रेड युनियन कांग्रेसले माग गरेको हो ।

युनियनका महासचिव योगेन्द्र कुँवरले बिहीबार विज्ञप्ती जारी गर्दै ३ दिनदेखि सम्पर्कविहीन रहेका पत्रकार मकवानपूरको एउटा जलविद्युत् आयोजनामा भेटिनु र सनाखत समेत फोटोको माध्यमबाट गरिनुले प्रश्न उब्जाएको जनाइएको छ । मुलुकमा व्याप्त बेतिथि र भ्रष्टाचारविरुद्ध कलम चलाउने इमान्दार र निष्ठावान पत्रकार नै यस्तो अवस्थामा देखिनुलाई युनियनले सामान्य मान्न नसकिने बताएको छ ।