काभ्रे । काभ्रेमा कारले मोटरसाइकल र गाडीलाई ठक्कर दिँदा चार जना घाइते भएका छन्।

बासघारीमा धुलिखेलबाट बनेपा आउँदै गरेको बा प्र. ०१-२५ च ८४२५ नम्बरको कारले बा ८५ प ६५०६ नम्बरको स्कुटरलाई ठक्कर दिएको थियो।

स्कुटरलाई ठक्कर दिएर अनियन्त्रित भएको कारले बनेपा बाट धुलिखेल जाँदै गरेको बा प्र ०१-२४ च ९४८५ नम्बरको योद्दा पिकअप गाडिलाई ठक्कर दिएको हो।

दुर्घटनबाट सवारी साधनका चालकसहित चार जना घाइते भएको काभ्रे प्रहरीले जनाएको छ ।

स्कुटर चालक काभ्रेको पनौती नगरपालिका-११ का २८ वर्षीय मनोज तामाङ, कार चालक काभ्रेको धुलिखेल नगरपालिका-३ का ४० वर्षीय पारस श्रेष्ठ, त्यसमा सवार काभ्रेको नमोबुद्ध नगरपालिकाकी २२ वर्षीया लक्ष्मी गजमेर र गाडीमा सवार भारत घर भएका २५ वर्षीय जिनु साहा घाइते भएका छन्।