काठमाडौं । आईसीसी १९ वर्षमुनिको विश्वकप क्रिकेट आजदेखि सुरु हुँदैछ ।

दक्षिण अफ्रिकामा आजदेखि सुरु हुने खेल आउने फेब्रुअरी ११ अर्थात् माघ २८ गतेसम्म चल्ने छ । यो विश्वकपमा नेपालसहित १६ वटा देश सहभागी छन् ।

नेपाल प्रतियोगिताको समूह ‘डी’ मा छ । नेपालको समूहमा अफगानिस्तान, न्युजिल्यान्ड र पाकिस्तान छन् ।

आज समूह ए का आयरल्यान्ड र अमेरिका तथा समूह बी का दक्षिण अफ्रिका र वेस्ट इन्डिज खेल्दैछन् । नेपालले भने पर्सि आइतवार पहिलो खेल न्युजिल्यान्डसँग खेल्नेछ ।

विश्व कपका सबै खेल नेपाली समयअनुसार दिउँसो पौने २ बजे सुर हुनेछन् ।