सुर्खेत । सुर्खेतको पञ्चपुरीमा एक युवक मृत फेला परेका छन् ।

मृत भेटिनेमा पञ्चपुरी नगरपालिका-६ कुवापानीका १८ वर्षका भरत बुढा रहेका छन् ।

मृतकको शरीरमा चोटपटक देखिएको जिल्ला प्रहरी कार्यालय सुर्खेतले जनाएको छ ।

घटनाबारे जानकारी पाउनासाथ बावियाचौरबाट प्रहरी टोली खटिएको थियो ।

प्रदेश प्रहरी कार्यालय कर्णालीको कुकुर शाखा कोहोलपुरबाट तालिम प्राप्त कुकुरहरु पनि घटनास्थलमा ल्याइएको छ ।

घटनाबारे अनुसन्धान भइरहेको प्रहरीले जनाएको छ ।