काठमाडौं । त्रिशूली नदीमा गाडी खसेको आशंकामा गोताखोर परिचालन गरिएको छ।

मुग्लिन प्रहरीका अनुसार नारायणगढ–मुग्लिन सडक खण्डअन्तर्गत् चितवनको इच्छाकामना गाउँपालिका– ५ को तीन नम्बर पुल नजिकै गाडी खसेको आशंका गरिएको हो ।

‘नदीमा बत्ती बलेको आधारमा गाडी खसेको आशंका गरिएको प्रहरीले जनाएको छ । अहिलेसम्म केही पत्ता लागेको छैन । गोताखोर परिचालन गरेर खोजी कार्य जारी रहेको बताइएको छ ।

प्रहरीका अनुसार नदीको किनारमा भारतीय नम्बर प्लेट देखिएको छ । स्थानीयले बिहान ४ बजेतिर त्रिशूली नदीमा गाडी खसेको सूचना दिएको प्रहरीले जनाएको छ ।