काठमाडौं । प्रधानमन्त्री पुष्पकमल दाहाल ‘प्रचण्ड’ले नेपालका प्रथम शहीद लखन थापालाई राष्ट्रिय विभूति घोषणा गर्न सरकार सकारात्मक रहेको बताएका छन् ।

सोमबार दिउँसो काठमाडौंको टुंडिखेलमा मगर समुदायले आयोजना गरेको माघे सकराँति विशेष कार्यक्रममा बोल्दै उनले यस्तो बताएका हुन् ।

उनले निरंकुशताका विरूद्ध संघर्षका योद्धा लखन थापालाई राष्ट्रिय विभूति घोषणा गर्नु न्यायोचित हुने बताए ।

थापालाई राष्ट्रिय विभूति घोषणा गर्नका लागि लागि आफ्नो तर्फबाट पहल गर्ने उनको भनाई छ ।