विराटनगर । मध्यराति खुकुरी प्रहार गरेको आरोपमा विराटनगरबाट एक जना पक्राउ परेका छन्।

पक्राउ पर्नेमा झापा घर भइ हाल विराटनगर-८ बस्दै आएका विक्रम थपलिया रहेका छन् ।

राति साढे १ बजे विराटनगर ११ का रोनाल कँडेललाई खुकुरी प्रहार गरी घाइते बनाएको आरोपमा उनलाई पक्राउ गरिएको मोरङ प्रहरीले जनाएको छ ।

विराटनगर बसपार्कनजिक खुकुरी प्रहार गरेको सूचना पाएपछि मध्यराति कँडेललाई उद्धार गरिएको थियो ।

प्रहरीले सँगसँगै थपलियालाई पक्राउ गरेको छ। घाइते कँडेलको अहिले विराट अस्पतालमा उपचार भइरहेको छ ।

उनको टाउकोमा चोट लागेको छ । पक्राउ परेका थपलिया पनि सामान्य घाइते छन् ।