एजेन्सी । राजधानी खार्तुममा हवाई हमलासहित प्रतिद्वन्द्वी सुडानी सेनाहरूबिचको भिडन्तमा कम्तीमा ३३ नागरिक मारिएका छन् ।

सेना प्रमुख अब्देल फतह अल–बुरहानले आफ्ना पूर्वसहायक एवं अर्धसैनिक कमान्डर मोहम्मद डागलोविरुद्ध करिब नौ महिना गरेको युद्धले सुडानलाई पनि छोएको हो ।

सशस्त्र द्वन्द्व स्थान र घटना डेटा परियोजनाको रूढिवादी अनुमानअनुसार युद्धमा कम्तीमा १२ हजार एक सय ९० को ज्यान गइसकेको छ । साथै संयुक्त राष्ट्रसङ्घका अनुसार युद्धबाट ७० लाखभन्दा बढी मानिस विस्थापित भएका छन् ।

बिहीबार दक्षिण खार्तुमको सोबा जिल्लामा भएको हवाई बमबारीमा २३ नागरिक मारिएको र अन्य धेरै घाइते भएको आपत्कालीन वकिल समूहले आकाशमा नियन्त्रण बनाउने सेनामाथि आरोप लगाउँदै बताएको छ ।

वकिल समूहले दक्षिण खार्तुममा पनि तोपखाना हमलामा अन्य १० जनाको मृत्यु पुष्टि भएको जनाएको छ ।