काठमाडौं । काठमाडौंको विभिन्न क्षेत्रबाट बेवारिसे अवस्थामा रहेका ७ वटा कार बरामद भएको छ।

काठमाडौं उपत्यका अपराध अनुसन्धान कार्यालयले ती कारहरू बरामद गरेको हो।

त्यस्तै रोयल इन्फिल्डको एउटा मोटरसाइकलसमेत बरामद भएको प्रहरीले जानकारी दिएको छ। ती कारहरू भन्सार छली वा चोरी पैठारी गरी ल्याएको हुनसक्ने प्रहरीको अनुमान छ।

काठमाडौं उपत्यका अपराध अनुसन्धान कार्यालयका सूचना अधिकारी मिलन केसीका अनुसार करोडौं मूल्य बराबरको कार बरामद भएको हो। बरामद गाडीहरूमध्ये दुई वटा भारतीय नम्बरका छन् ।

भे।१ च ३६९९ नम्बरको स्कोर्पियो, भारतीय नम्बर प्लेट भएको क्रेटा र भेन्यु तथा नेपाल नम्बर प्लेट भएका क्रेटा र ब्रेजा प्रहरीले बरामद गरेको छ ।