काठमाडौं । प्रहरीले ‘तपस्वी’ राम बहादुर बम्जनलाई पक्राउ गरेको छ ।

केन्द्रिय अनुसन्धान ब्यूरोले बाराको हलखोरिया जंगलमा तपस्या गरेर चर्चा कमाएका बम्जनलाई पक्राउ गरेको हो । उनलाई बुढानिलकण्ठ क्षेत्रबाट पक्राउ गरिएको बताइएको छ ।

प्रहरी प्रधान कार्यालय स्रोतले बम्जनलाई पक्राउ गरेको पुष्टि गरेको छ ।

बम्जनको आश्रमबाट आनिसहित ४ जना सम्पर्कविहीन भएको उजुरी परेपछि प्रहरीले लामो समयदेखि उनलाई खोजी रहेको थियो ।

आश्रममा बस्ने अनुयायीको हत्या गरेको, बेपत्ता पारेको तथा यौन हिंसा गरेको उनीमाथि आरोप छ ।