काठमाडौं । देशभरको कोरोनाभाइरस संक्रमणको अवस्थाबारे स्वास्थ्य मन्त्रालयका मन्त्रालयका प्रवक्ता  डा. जागेश्वर गौतमले दैनिक रुपमा लाइभ अपडेट गराउँदै आएका छन् ।

हरेक दिन अपरान्ह सवा चार बजे मन्त्रालयका प्रवक्ता गौतमले  कोरोनाको संक्रमणको अवस्थाबारे जानकारी दिने गरेका छन् ।

नियमित हुने प्रेस ब्रिफिङमा उनले कोरोना भाइरस संक्रमण नियन्त्रणका लागि नियमित साबुन पानीले हात धुने, अनुहारमा हात नलैजानेलगायत स्वास्थ्य सुरक्षाको मापदण्ड पूरा गर्न आग्रह गर्ने गरेका छन् ।

तर, मंगलबार उनी आफैंले लाइभ कार्यक्रममै नाक कोट्याएको दृश्यले उनी आलोचित बनेका छन् ।।

उनले  मंगलबार प्रेस ब्रिफिङको लाइभ कार्यक्रममै नाक कोट्याएका हुन् । जसको आलोचना भइरहेको छ ।

मंगलबारको प्रेस ब्रिफिङ कार्यक्रममा अपडेट गराउनु अघि केहीबेर मौन बसिरहेका उनले नाक कोट्याउन पुगेका हुन् । प्राविधिक तयारी गरिरहेको जस्तो देखिँदा मौन बसिरहेका उनले नाक कोट्याएका थिए ।

जुन असोभनिय देखिएको छ । सामाजिक सन्जालमा उनी मजाकको पात्र बनेका छन् ।