एजेन्सी । जाम्बियामा हैजाबाट मृत्यु हुनेको सङ्ख्या २२२ जना पुगेको छ ।

स्वास्थ्य मन्त्रालयले आइतबार सार्वजनिक गरेको तथ्याङ्क अनुसार सङ्क्रमणको कुल सङ्ख्या ५ हजार ४६२ पुगेको हो ।

गत वर्षको अक्टोबरमा हैजाको महामारी फैलिएको थियो । पछिल्लो २४ घण्टामा २७ जनाको मृत्यु भएको छ भने ५६७ जना नयाँ सङ्क्रमित थपिएका छन् ।

मन्त्रालयका अनुसार सोही अवधिमा ३४० जना निको भइ घर फर्किएका छन् यसका साथै निको भएर घर फर्किनेको सङ्ख्या ४ हजार १७२ पुगेको छ ।

त्यसैगरी सङ्क्रमित मध्ये अस्पताल भर्ना हुन बाँकीको सङ्ख्या १ हजार ५९ छ ।