काठमाडौं । इजरायलमा जारी युद्धमा प्यालेस्टाइनी विद्रोही समूह हमासको नियन्त्रणमा रहेका नेपालका विपिन जोशीको रिहाइको माग गर्दै युवाहरूले प्रदर्शन गरेका छन् ।

आइतबार ललितपुरको जावलाखेलमा युवाहरूले जोशीको जन्म दिनका अवसरमा रिहाइको माग गर्दै प्रदर्शन गरेका हुन् ।

हमासको नियन्त्रणमा रहेको भनिएका जोशी सम्पर्कबिहीन भएको तीन महिना बितेको छ।

हमासले नियन्त्रणमा लिएका केही विदेशीहरूलाई रिहा समेत गरिसकेको छ। तर जोशीको रिहाइ नभएपछि युवाहरूले प्रदर्शन गरेका हुन् ।

ललितपुरको लगनखेलबाट सुरु गरिएको र्‍याली जावलखेलमा आएर औपचारिक कार्यक्रममा परिणत भएको थियो ।