काठमाडौं । राष्ट्रिय प्रजातन्त्र पार्टी (राप्रपा) ले सत्ता गठबन्धनसँग राष्ट्रियसभा निर्वाचनमा सहकार्य गर्नेबारे छलफल गर्ने भएको छ ।

शनिबार बसेको केन्द्रीय कार्यसम्पादन समितिको बैठकमा राष्ट्रियसभा निर्वाचनमा मिलेर जानेबारेमा सत्ता गठबन्धनसँग छलफल गर्ने निर्णय गरेको हो ।

छलफलका लागि कार्यबाहक अध्यक्ष बुद्धिमान तामाङलाई जिम्मेवारी दिइएको छ । अध्यक्ष राजेन्द्र लिङ्देन हाल विदेश रहेकाले तामाङलाई आवश्यक कार्यादेश दिइएको हो ।

राप्रपाले सत्ता गठबन्धनबाट भाग पाउने अवस्था रहेमा एक सिट माग्ने तयारी गरेको छ । यदि सत्ता गठबन्धनबाट भाग नपाउने अवस्था आएमा भने आफ्नै ढंगले निर्वाचनमा उम्मेदवारी दिने राप्रपाले निर्णय गरेको बताइएको छ ।