काठमाडौं । आज काठमाडौंको चाबाहिल देखि बौद्ध लगायतका क्षेत्रमा चार घन्टा बिजुली अवरुद्ध हुने भएको छ ।

उक्त क्षेत्रमा बिजुलीको लाइन मर्मत सम्भार गर्नुपर्ने भएकाले डाँछी फिडर आज बिहान साढे १० बजेदेखि दिउँसो साढे २ बजेसम्म बन्द गर्न लागिएको हो ।

फिडर सटडाउन गर्दा त्यसअन्तर्गत पर्ने चाबाहिल प्लाजा, केएल टावर, टुसाल, बौद्ध पिपल बोटदेखि जोरपाटीसम्म बिजुली काटिने विद्युत् प्राधिकरणले जनाएको छ ।

निर्धारित समयअगावै काम सकिएमा अगाडि नै विद्युत सेवा सुरू हुनेछ ।