काठमाडौं । साढे १४ किलो चाँदी र आधा किलो सुन बरामद प्रकरणमा पक्राउ परेका एक व्यक्ति छुटेका छन् । शुक्रबार जिल्ला सरकारी वकिलको कार्यालय, काठमाडौंले ट्याक्सी चालक भैरहवाका सन्दीप गुरुङलाई छाड्न निर्देशन दिएपछि उनलाई थुनामुक्त गरिएको हो ।

काठमाडौं प्रहरी प्रमुख एसएसपी श्यामलाल ज्ञवालीले गुरुङलाई छाडिएको पुष्टि गरे।

गुरुङलाई देवान पटेल, विजय पटेल र निलेश पटेलसँगै ७ दिन संगठित अपराधमा अनुसन्धानका लागि म्याद थपिएको थियो । तर, संलग्नता नदेखिएपछि छुटेका छन् भने अन्यविरुद्ध अनुसन्धानका लागि थुनामै राख्न जिल्ला अदालत, काठमाडौंले आदेश दिएको छ ।

सुनबारे थाहै नभएका व्यक्तिलाई पनि प्रहरीले संगठित अपराधसम्बन्धी कसूरमा अनुसन्धान गर्न म्याद थप गरेको थियो ।